Balyozê Ermenîstanê yê li Hollandayê Tîgran Balayan di 18’ê çirîa paşin da bi Serokê Komîteya Têkiliyên Derve ya Parlamenta Loksimborg Îv Krûxtênî, Serokê Heyeta Loksimborgê ya Meclîsa Parlamenteran a Konseya Ewropayê Gûsti Grasî, endamê Partiya Keskan, parlamenter Şarl Margî, û berdevkê karûbarên derve yê Partiya Sosyalîst a Xiristiyan, parlamenter Loran Mozarî ra hevdîtin pêk anîe.
Balyozê spasiya xwe ji bo qebûlkirina biryara bi yekdengî ya naskirina komkujîya Êzdiyan ji aliyê Parlamentoya Loksimborgê ve anî ziman û spasnameya Seroka Koma Dostaniya Ermenîstan-Loksimborgê Sona Xazaryan û Parlamenterê êzdî Rostem Bakoyan li Parlamentoya Ermenîstanê pêşkêşî parlementerên Loksimborgê kir.
Tîgran Balayan ji parlamenterên Loksimborgê re da zanîn ku di sala 2018’an de parlamentoya Ermenîstanê yekemîn bû ku komkujîya Êzidiyan nas kir û di vê mijarê de di qada navneteweyî de roleke pêşeng girtîe.
