Ֆրանսիան պաշտպանում է կանանց իրավունքները և աջակցում է կին ազատության մարտիկներին ամբողջ աշխարհում։ Այս կապակցությամբ Ֆրանսիայի Արտաքին Գործերի նախարարությունը, որպես պատվո նշան կազմակերպել է ցուցահանդես և Quai d’Orsay դարպասներին ցուցադրել են «Մարիաննա» նախաձեռնության 15 կին իրավապաշտպաների դիմանկարները:
Այս տարի «Մարիաննա» նախաձեռնության դափնեկիր է նաև Իրաքի Դոհուկ քաղաքում բնակվող եզդի բժիշկ Նեխամ Նեվզադ Հասանը: Այս մասին՝ իր Թվիթերյան էջով հայտնում է Իրաքում Ֆրանսիայի հյուպատոս Օլիվեր Դեկոտինգնիեսը:
Բժիշկ Նաղամ Նավզադ Հասանին կամավոր անվճար բժշկական օգնություն է տրամադրել հարյուրավոր եզդի կանանց, որոնք փրկվել էին «Իսլամական պետություն» ահաբեկչական խմբավորումից այն բանից հետո, երբ ահաբեկչական խմբավորումը վերահսկողություն էր հաստատել Սինջարում և սպանել հազարավոր եզդիների:
Նաղամ Նավզադ Հասանին ապրում է Հյուսիսային Իրաքի Դոհուկ քաղաքում: Բժիշկ գինեկոլոգ Նաղամ Նավզադը երկու տասնամյակ պայքարում է Իրաքում կանանց և կրոնական փոքրամասնությունների իրավունքների համար: Նա Սինջար քաղաքում հիվանդանոցի տնօրեն է: Նա 2016 թվականին ստացել է «Արիության կանայք» միջազգային մրցանակը, իսկ 2022 թվականին՝ ՄԱԿ-ի փախստականների հարցերով գերագույն հանձնակատարի Նանսենի տարածաշրջանային մրցանակը։
